បច្ចេកពុទ្ធសំយុត្តកថា

ទំព័រឈូកក្រហម ត្រូវបានអនុញ្ញាតដើម្បីផ្សព្វផ្សាយសៀវភៅ បច្ចេកពុទ្ធសំយុត្តកថា ដែលរៀបរៀងដោយឧបាសក ឡាន សុខុម ដើម្បីជាប្រយោជន៍ដល់អ្នកសិក្សាស្រាវជ្រាវបដិបត្តិតាមគន្លងព្រះពុទ្ធសាសនា។

ពាក្យប្រារព្ធ

សៀវភៅ “ បច្ចេកពុទ្ធសំយុត្តកថា ˮ នេះ ខ្ញុំគិតថា នឹងចងក្រងរៀបរៀងជាយូរមកហើយ ដោយយល់ឃើញថា ពុទ្ធប្បវត្តិក្ដី ប្រវត្តិព្រះអសីតិមហាសាវ័កក្ដី លោកអ្នកសប្បុរសទាំងឡាយ បានរៀបរៀងចងក្រងច្រើនមកហើយ តែរឿងរ៉ាវដែលទាក់ទងនឹងព្រះបច្ចេកពុទ្ធ ហាក់ដូចជាបាំងបាត់ស្ងាត់កំបាំងនៅឡើយ តែការគិត ក៏បានត្រឹមតែគិត ព្រោះមិនមានអ្នកជួយជ្រោមជ្រែងក្នុងការងារនេះ ។ លុះក្រោយមក មានលោកអ្នកសប្បុរស ដែលជាអ្នកមានសទ្ធាជ្រះថ្លាក្នុងធម៌ព្រះមានព្រះភាគ បានសូមឲ្យខ្ញុំរៀបសៀវភៅនេះឡើង ដោយធានាជួយធ្វើកិច្ចការនេះ មានបច្ចេកទេសវាយអក្សរពុម្ពជាដើម ទើបសៀវភៅនេះ សម្រេចឡើងបាន ។

សៀវភៅនេះ ជាសៀវភៅដកស្រង់ រៀបរៀង មិនមែនជាការប្រែទាំងស្រុងទេ គឺមានកាត់សេចក្ដីចេញខ្លះ បន្ថែមសេចក្ដីពីអដ្ឋកថាក្នុងព្រះសូត្រដទៃចូលខ្លះ តែមិនឲ្យបាត់បង់អត្ថក្នុងផ្ទៃរឿង បើលោកអ្នកត្រូវការសេចក្ដីពិស្ដារ សូមស្វែងរកមើលក្នុងទីមកនៃព្រះសូត្រនោះ ៗ ដែលមានក្នុងនយលក្ខណៈ ( លេខយោង ) ឯណោះចុះ ។

រឿងរ៉ាវទាំងឡាយណា ដែលទាក់ទងនឹងព្រះបច្ចេកពុទ្ធ ដែលមានក្នុងអដ្ឋកថាក្ដី ក្នុងព្រះត្រៃបិដកក្ដី ខ្ញុំបាទបានលើកយកមកដាក់ក្នុងទីនេះ ដើម្បីទុកជាធម្មបទីប សម្រាប់អ្នកមានឧបនិស្ស័យក្នុងការសិក្សាគ្រប់ជំនាន់តទៅ ។

ការងារធម្មទាននេះ ជាភារៈធ្ងន់ ព្រោះហេតុនោះ យើងខ្ញុំសូមទទួលយកនូវការកែលម្អ ត្រង់ចំណុចដែលខុសឆ្គង អំពីលោកអ្នកសប្បុរសទាំងឡាយ ដើម្បីនឹងកែតម្រូវ ។

កុសលឯណា ដែលសម្រេចដោយការរៀបរៀងសៀវភៅនេះ សូមកុសលនោះ ប្រតិស្ឋានក្នុងហទយៈ គឺចិត្តរបស់លោកអ្នក ដោយអនុមោទនាថា សាធុ សាធុ សាធុ ទៅហោង។

សូមសត្វលោកសម្លឹងគ្នា ដោយភ្នែកប្រកបដោយមេត្តា !

សូមពាក្យប្រៀនប្រដៅរបស់ព្រះសម្មាសម្ពុទ្ធ ជ្រួតជ្រាបក្នុងចិត្តរបស់សត្វលោក !

វត្តព្រះគន្ធកុដិ ខេត្តបាត់ដំបង

ថ្ងៃ ១៥ កើត ខែភទ្របទ ព.ស.២៥៦៧

ឧបាសក ឡាន សុខុម

ភាគទី១

វគ្គទី១

វគ្គទី២

វគ្គទី៣

វគ្គទី៤

ចប់ វគ្គទី៤ ។

សូមអនុមោទនា !!!